"ఇది ఒక తండ్రి తన కుమారునికి, ఒక భర్త తనకు కాబోయే భార్యకు వ్రాసిన ప్రేమలేఖయై ఉన్నది"
బైబిలు అధ్యయనము ఎందుకు చేయాలి?
26 ముఖ్యమైన కారణాలు
-
1
ఇది ఒక తండ్రి తన కుమారునికి, ఒక భర్త తనకు కాబోయే భార్యకు వ్రాసిన ప్రేమలేఖయై ఉన్నది.
-
2
ప్రభువైన యేసుక్రీస్తు గురించి తెలిసికొనుటకు.
-
3
క్రైస్తవ జీవితము అనేది ఆచారములు పాటించేది కాదు. దేవుని యొక్క వాక్యానుసారము జీవించవలసినదై ఉన్నది.
-
4
ప్రభువైన యేసుక్రీస్తు ద్వారా కలుగు రక్షణ పొందుకొనుటకు.
-
5
ఆధ్యాత్మికముగా ఎదుగుటకు.
-
6
దేవుడు అప్పచెప్పిన పని నెరవేర్చుటకు తగిన శక్తి, జ్ఞానము, సామర్థ్యము పొందుకొనుటకు.
-
7
ప్రభువైన యేసుక్రీస్తునకు శిష్యులుగా మారుటకు.
-
8
మనుష్యుడు రొట్టె వలన మాత్రము కాదు కాని దేవుని నోట నుంచి వచ్చు ప్రతిమాట వలన జీవించును అని పరిశుద్ధ గ్రంథము సెలవిస్తుంది.
-
9
ఆయన వాక్యము మనము అనుదినము నడువవలసిన త్రోవను బోధిస్తుంది.
-
10
మనము ఆయన మార్గము తప్పి ప్రవర్తించినపుడు గద్దిస్తుంది.
-
11
మనము మరలా ఆయన మార్గములోనికి తిరిగి చేరుటకు మనలను సరిదిద్దుతుంది.
-
12
మనము ఆయన మార్గములో క్రమము తప్పకుండా నడుచుటకు తర్పీదునిస్తుంది.
-
13
సత్యము మనలను స్వతంత్రులుగా చేస్తుంది.
-
14
వాక్యము ఈ రూపములో మన చేతులలోనికి రావటానికి చాలా మంది ఎన్నో త్యాగములు చేసారు. వారి ప్రాణములు సహితము ధారపోశారు.
-
15
మనకు వాక్యము తెలియకపోతే తప్పుడు బోధలచేత మోసపోయి, ఈడ్వబడే ప్రమాదము ఉంది.
-
16
దేవుడు కోరుకున్న వ్యక్తిగా జీవించటానికి మార్గదర్శినిగా పనిచేస్తుంది.
-
17
దేవుడు మనకొరకు చేసినదానిని మనము నాశనము చేసుకోకుండా, వదులుకోకుండా కాపాడుతుంది.
-
18
మన వ్యక్తిత్వములోని లోటుపాట్లను సరిచేసుకోవటానికి ఉపయోగపడుతుంది.
-
19
మనిషి జీవనప్రమాణములు ఎలా ఉండాలి అనేది తెలియజేస్తుంది.
-
20
పాపములో పడిపోకుండా సాతాను యొక్క కుతంత్రములను తప్పించుకోవటానికి వివేచన, వివేకము, వాగ్దానములు దయచేస్తుంది.
-
21
మనము ప్రతిరోజూ నడువవలసిన త్రోవను తెలియజేస్తుంది.
-
22
మన జీవితము పట్ల దేవుని ప్రణాళిక/చిత్తము తెలిసికొనుటకు ఉపయోగపడుతుంది.
-
23
మనలను నిత్యజీవములోనికి నడిపిస్తుంది.
-
24
దేవుడు ఏర్పాటు చేసిన జీవము అనుదినము పొందుకొనుటకు.
-
25
ప్రభువైన యేసుక్రీస్తు యొక్క స్వారూప్యము లోనికి మారుటకు. (ఆయన వ్యక్తిత్వము, ఆలోచన, మాటతీరు, చేతలు, విలువలు)
-
26
మన మార్గము దేవుని పద్ధతిలో వర్ధిల్లజేసికొనుటకు ఉపకరిస్తుంది.