వచనముల స్టడీ

"బైబిలులోని ఒక వచనమును లేదా కొన్ని వచనములను లోతుగా అధ్యయనము చేసి వాటిలోని సత్యమును అర్థం చేసుకొని జీవితమునకు అన్వయించుకొనుటకు ఈ పద్ధతి ఉపయోగపడుతుంది."

వచనముల వారీగా స్టడీ విధానము

1. 1
   📖

   మీరు స్టడీ చెయ్యాలి అనుకున్న వచనములు ఎంచుకొనండి.

2. 2
   🔢

   3-5 వచనములకు మించకుండా చూసుకొనండి. ఒకవేళ ఒక వచనములో ధ్యానించుటకు ఎక్కువ సమాచారము ఉన్న యెడల ఒక్క వచనము అయినా చాలు.

3. 3
   📚

   మీరు ఎంచుకున్న వచనముల యొక్క అధ్యాయము గురించి మీకు కనీస అవగాహన ఉంటే మంచిది.

4. 4
   👁️

   5-10 సార్లు ఆ వచనములను చదవండి.

5. 5
   ✏️

   వచనములలో ప్రస్తావించబడిన విషయము వ్రాయండి.

6. 6
   🔗

   వచనములు అధ్యాయము యొక్క సందర్భమునకు ఎలాంటి సంబంధము కలిగియున్నాయో చూడండి.

7. 7
   🎯

   వచనములు అధ్యాయము యొక్క ఉద్దేశ్యమునకు ఎలాంటి సంబంధము కలిగియున్నాయో చూడండి.

8. 8
   🔀

   ప్రతి వచనమునకు క్రాస్ రిఫరెన్స్ వెతికి వాటిని కూడా స్టడీ చెయ్యండి.

9. 9
   🌄

   మీకు ఉన్న జ్ఞానమును బట్టి ఆ వచనములలోని దృశ్యమును ఊహించటానికి ప్రయత్నము చేయండి.

10. 10
    🔤

    వచనములలో ఉపయోగించబడిన ప్రధాన పదములు గుర్తించండి.

11. 11
    🗣️

    ఆ వాక్యములోని పదములను ఒక్కోసారి ఒక్కోటి నొక్కిపట్టి చదవండి. ఆ పదము మీతో ఏమైనా మాట్లాడితే వ్రాసుకొనండి.

12. 12
    📝

    ఆ వచనముల యొక్క సారాంశము క్లుప్తముగా మీ స్వంత పదములతో వ్రాయండి.

13. 13
    🔭

    అన్ని కోణములలోను ఆ సంఘటనను విశ్లేషించండి — వ్యక్తుల వైపు నుంచి, 3వ వ్యక్తిగా, దేవుని కోణము నుంచి.

14. 14
    💡

    మీరు స్టడీ చేసిన తరువాత గ్రహించిన అంశములను విపులముగా వ్రాయండి. క్లుప్తముగా వ్రాయవద్దు.

15. 15
    🪞

    మీరు గ్రహించిన అంశములను మీ జీవితమునకు ఎలా అన్వయించుకోవాలో చూడండి.

16. 16
    📅

    వాటి నిమిత్తము ప్రణాళిక సిద్దము చెయ్యండి.

17. 17
    ⏰

    వచనములలో కాలము గురించి ఏమైనా చెప్పబడినదా?

18. 18
    ⚖️

    వచనములలో ఏవైనా పోల్చి చెప్పటము జరిగినదా?

19. 19
    👤

    వచనములలో ఉన్న ప్రధానమైన వ్యక్తులు ఎవరు?

20. 20
    🏷️

    వారి పేరులకు గల అర్ధము ఏమిటి?

21. 21
    💭

    ఆ వ్యక్తులు ఎలాంటివారు?

22. 22
    💬

    ఎవరు ఎవరితో మాట్లాడుతున్నారు? ఈ మాటలు ఎవరైనా 3వ వ్యక్తి గురించి చెప్పబడినవా?

23. 23
    📅

    ఈ వచనములలో ఉన్న విషయములు ఏ కాలములో జరిగాయి?

24. 24
    🗺️

    ఈ వచనములలో ఉన్న విషయములు ఎక్కడ జరిగాయి?

25. 25
    📍

    ఆ ప్రదేశము యొక్క పేరు ఇప్పుడు ఏమిటి? అది ఎక్కడ ఉన్నది? పేరునకు అర్ధము ఏమిటి? పరిశుద్ద గ్రంధములో ఏదైనా ప్రత్యేకత ఉన్నదా?

26. 26
    🧩

    ఈ వచనములలో ఉన్న విషయములు జరగటానికి దారితీసిన పరిస్థితులు ఏమిటి? ఆ పరిస్థితులు దేవుని చిత్తము వలన కలిగినవా? మనుష్యుల వలన వచ్చినవా?

27. 27
    🔮

    ప్రవచనము ఏదైనా ఉంటే అది ఎప్పుడు ఎలా జరుగుతుంది?

ఒప్పుకుని విడిచిపెట్టవలసిన పాపము ఏమైనా ఉన్నదా?

• ✦ ఆ పాపము నుండి విడుదల ఎలా పొందాలి?
• ✦ ఆ పాపము వలన ఎవరిని అయినా నొప్పించారా? అయితే క్షమాపణ అడగండి.
• ✦ ఆ పాపము వలన ఎవరికి అయినా నష్టము కలిగించారా? అయితే దానిని ఎలా భర్తీ చేస్తారు?
• ✦ ఆ పాపమునకు దేవుని దగ్గర నుండి ఎలా పరిహారము, క్షమాపణ పొందాలి?

ఏదైనా వాగ్ధానము ఉన్నదా?

• ✦ అది షరతులతో కూడిన వాగ్దానమా? షరతులు లేనిదా?
• ✦ ఆ షరతులు మీరు కలిగి ఉన్నారా?
• ✦ ఈ వాగ్ధానము ఏ సందర్భములో ఉపయోగించుకొనవచ్చు?
• ✦ ఈ వాగ్ధానము ఎవరైనా ఒక వ్యక్తికి లేదా ప్రజలకు ఇవ్వబడినదా?
• ✦ వాగ్ధానము విషయములో తీసుకోవలసిన జాగ్రత్తలు ఏమైనా ఉన్నాయా?

వ్యక్తిత్వము పరముగా మార్చుకొనవలసినది ఏమైనా ఉన్నదా?

• ✦ అది మంచి లక్షణము అయితే అది మీలో ఎదిగేలా ఏమి చెయ్యాలి?
• ✦ అది చెడ్డ లక్షణము అయితే మీలో నుంచి పోయేలా ఏమి చెయ్యాలి?

పాటించవలసిన ఆజ్ఞ ఏదైనా ఉన్నదా?

• ✦ మీకు నష్టము కలిగినా పాటించటానికి సిద్దమనస్సు కలిగి ఉన్నారా?
• ✦ లాభసాటిగా ఉన్నంతవరకే పాటిస్తారా?
• ✦ మీ మనస్సునకు నచ్చితేనే పాటిస్తారా?
• ✦ దేవుడు చెప్పాడు కాబట్టి ఎలా అయినా సరే పాటిస్తారా?

హెచ్చరికలు, శాపములు ఏమైనా ఉన్నాయా?

• ✦ మీరు అనుకరించదగిన మాదిరి ఏమైనా ఉన్నదా?
• ✦ జాగ్రత్త పడవలసిన విషయములు ఏమైనా ఉన్నాయా?
• ✦ ఆ తప్పులలో పడిపోకుండా ఎలాంటి మెలకువ కలిగి ఉండాలి?
• ✦ విశ్వసించవలసినది ఏమైనా ఉన్నదా?

దేవుని గురించి తెలిసికొనుటకు ఏదైనా విషయము కలదా?

• ✦ తండ్రి గురించి
• ✦ కుమారుడైన క్రీస్తు గురించి
• ✦ పరిశుద్దాత్మ దేవుని గురించి
• ✦ దేవదూతల గురించి ఏమైనా విషయములు చెప్పబడినవా?
• ✦ సాతాను, వాడి దూతల గురించి ఏమైనా చెప్పబడినదా?
• ✦ దేవుని శతృవులు గురించి ఏమైనా విషయములు కలవా?
• ✦ భక్తిహీనులు, దుర్మార్గుల గురించి ఏమైనా విషయము ఉన్నదా?
• ✦ పరిశుద్ద గ్రంధము నందలి ఏదైనా వేరే విషయము తెలిసికొనుటకు ఈ వచనములు ఉపకరిస్తాయా?

దేవునికి ప్రార్ధన చేయుటకు, స్తుతించుటకు అంశములు ఏమైనా ఉన్నాయా?

• ✦ దేవుని స్తుతించుటకు ఏమైనా అంశములు కలవా?
• ✦ దేవుని ఆరాదించుటకు ఏమైనా అంశములు కలవా?
• ✦ దేవునికి కృతజ్ఞత కలిగిఉండేలా ఏమైనా అంశములు కలవా?